A keni menduar ndonjëherë se cilët janë të famshmit më të shtrenjtë për t’u rezervuar?
Në ngjarjet më të rëndësishme në jetën tuaj si ndejat e ditëlindjes, dasmat dhe organizime tjera ju dëshironi të keni argëtimin më të mirë të mundshëm. E nëse dëshironi që idhulli juaj më i madh të performojë në ndejën tuaj, hidhjani një sy listës së mëposhtme me shumat që duhet paguar dhe me siguri kjo dëshirë do t’u shuhet ende pa i ra në fund listës!
Përgatituni për “falimentim”, pasi këta janë më 10 të famshmit më të shtrenjtë aktualisht!
10. Justin Bieber – 1 milion dollarë
Me siguri kurrë nuk ua kishte marrë mendja se Bieber do të kërkonte një shumë të këtillë. Ky këngëtar është paguar 1 milion dollarë për një përformim një orësh në një ndejë private. Duket se paratë që i ka shpenzuar në proceset e ndryshimit të dukjes duhet t’i kompensojë disi.
9. Cher – 1.5 milion dollarë
Falë famës së saj për një performancë private Cher kërkon 1.5 milion dollarë. Megjithëse është 68 vjeçe, ajo mund të ju ofrojë një performancë e cila nuk harrohet edhe aq shpejt. Me siguri nuk janë të pakt ata që do të dëshironin ta kishin këtë legjendë në ndejën e tyre private?
8. Beyonce – 2 milion dollarë
Duke qenë një artiste dhe interpretuese e vërtetë, Beyonce shumë lehtë ua kërkon 2 milion dollarë për një përformancë, sa edhe është paguar për paraqitjen e saj në një ndejë private të familjes Qaddafi. Mund ta imagjinoni Beyonce në ditëlindjen tuaj?
7. Jennifer Lopez – 2.5 milion dollarë
J.Lo është paguar 2 milion dollarë për t’ia kënduar “Urime ditëlindja” burokratit rus Alexander Yelkin. Ndërsa për një performancë në një ndjejë private të presidentit-diktator të Azerbajxhanit ajo ka marrë hiç më pak se 2.5 milion. Nëse dëshironi që ta keni J.Lo në ndejën tuaj duhet të paguani së paku 1 milion dollarë.
6. Kanye West – 3 milion dollarë
Për përformancën e tij në dasmën e nipit të presidentit kazak Nursultan Nazarbayey, hip-hop artisti Kanye West është paguar 3 milion dollarë.
5. Eminem- 3.3 milion dollarë
Eminemi është një artist dhe interpretues i vërtetë dhe i popullarizuar, prandaj ndoshta edhe nuk është për t’u habitur që ai është paguar 3.3 milion dollarë për të performuar 2 netë në festivalin e Mbretërisë së Bashkuar.
4. Christina Aguilera – 3.6 milion dollarë
Një bankier e ka paguar Christinën 1 milion dollarë për të performuar në ndejën e tij private në San Diego. Por kjo nuk është shuma më e madhe që ka marrë Christina për një performancë. Për tri këngë të kënduara në dasmën e një multimilioneri rus ajo është paguar 3.6 milion dollarë, që i bie 1.2 milion për një këngë.
3. The Rolling Stones– 4 milion dollarë
Nëse jeni Rolling Stones, 4 milion dollarë për një koncert nuk janë edhe shumë, nëse e keni parasysh se biletat e koncerteve të këtyre djemve janë më të shtrenjtat në botë.
2. James Earl Jones– 4.5 milion dollarë
James Earl Jones apo Darth Vader, siç e njohin adhuruesit e filmit Star Wars, performon edhe nëpër ndeja private. Për performancën e këtij aktori, nëse jeni jashtë SHBA-ve duhet të paguani 3 – 4.5 milion dollarë.
1. The Eagles – 6 milion dollarë
Vetëm për këngën “Hotel California” të përformuar në një koncert të organizuar nga një bamirës privat në Nju Jork, djemtë e “Shqiponjave” janë paguar rrumbullak 6 milion dollarë. /NGJYRA.COM/
