Anija kroçiere “Allure of the Seas” pronë e “Royal Caribbean International”, bashkë me anijën tjetër simotër “Oasis of the Seas”, është anija më e gjatë, respektivisht më e madhe në botë.
Kjo anije super-luksoze, e gjatë 362 metra, është një mega-hotel në ujë, që mund të zë 5,400 deri në 6,296 pasagjerë – ndërsa ofron mundësinë e lundrimit në të gjitha detet e botës.
Kjo anije në fakt është një mini-qytet mbi ujë. Aty gjenden pishinat e mëdha që ofrojnë të gjitha llojet e sporteve ujore, pastaj, një qendër e madhe tregtare, si dhe të gjitha aktivitetet tjera argëtuese që ofron një hotel luksoz.
Për akomodimin e pasagjerëve anija ofron 2.700 dhoma, ndërsa në shërbim të tyre janë rreth 3.000 pjesëtarë të ekuipazhit.
Për turistët fatlumë që lundrojnë me këtë anije, në dispozicion janë 16 kuverta, ndërsa anija është e ndarë në shtatë lagje, ku secila prej tyre është ideuar për moshat e caktuara.
Ndërtimi i kësaj super-anije ka kushtuar 1.2 miliardë dollarë, ndërsa ajo është lëshuar në qarkullim, në vitin 2009.
“Allure of the Seas” peshon 225,282 tonë; është e gjatë 362 metra; e lartë 72 metra (mbi ujë), ndërsa është e gjerë mbi 60 metra. Ajo lundron me shpejtësi prej 37.4 km/h. /NGJYRA.COM/
