Çdokujt nga 760 dollarë nga miliarderët

Ç’do të ndodhte sikur 1.426 miliarderë të botës ta ndanin tërë pasurinë e tyre, prej 5,4 mijë miliardë dollarësh, me popullatën botërore: Çdo banor i planetit do t’i fitonte saktësisht 768,37 dollarë.

Këtë informacion interesant e ka llogaritur revista “Forbes”, e cila kohë më parë ka bërë grafikën informative në të cilën i kanë hulumtuar se çka do të mund të bënin 1.426 miliarderë me pasurinë e tyre – edhe pse duhet theksuar se, së fundi numri i miliarderëve të botës  është shtuar në 1,645, por përllogaritjet e tilla mungojnë.

Gjithashtu, nëse 1.426 miliarderë të botës do t’i ndanin pasurinë ndërmjet tyre, në mënyrë që të gjithë të kishin pasuri të njëjta, secili nga ata do të ishte “i rëndë” diçka më shumë se 3,8 miliardë dollarë.

Forbes ka theksuar edhe që, po qe se njerëzit më të pasur të planetit do të themelonin shtetin e tyre, do të ishin shteti i katërt më i pasur në botë, menjëherë pas Japonisë.

Po qe se nuk do të mund të merreshin vesh, disa herë njeriu më i pasur në botë, Carlos Slim, pasuria e të cilit është vlerësuar në 73 miliardë dollarë, do të mund të krijonte shtetin e tij privat me brutoproduktin më të madh se Azerbajxhani. /NGJYRA.COM/   

Artikuj që mund t\'iu interesojnë

Leave a Reply