Artisti kinez, Liu Bolin (i lindur më 1973), veprat e të cilit kanë shëtitur botën, është më shumë i njohur thjesht si Njeriu i Padukshëm.
Punimet më të popullarizuara artistike të këtij artisti “të padukshëm” janë ato nga seria “Fshehja në qytet”, punime fotografike këto në të cilat artisti “shkrihet” plotësisht me sfondin.
Ai qëndron për orë të tëra në një vend, derisa ndihmësit e tij e ngjyrosin atë, duke krijuar kështu një maskim të përsosur që e bënë atë të “shkrihet” me mjedisin.
Liu ka thënë se qëllimi i tij nuk është që të zhduket në mjedis, por të bëhet pjesë e tij.
Punimet e Njeriut të Padukshëm nuk paraqesin zhdukjen e individit, por paralajmërojnë për mjedisin konsumues i cili e kaplon atë tërësisht.
Shikoni edhe ju këto punime të mrekullueshme dhe përpiquni ta vëreni Njeriun e Padukshëm. /NGJYRA.COM/
