Bourtange – historia e ndërtimit të fortesave në formë të yllit

Topat dhe baruti ishin ato që, në shekullin XV, ndryshuan mënyrat e luftimit të deriatëhershëm – ndërsa taktikat e reja të sulmit, kërkonin dhe mënyra të reja të mbrojtjes, sepse fortesat klasike nuk qenë më në gjendje të mbijetonin rrethimin dhe gjëmimin e topave të kundërshtarit.

Një mënyrë e re e ndërtimit të fortifikatave kishte lindur në Evropë, të cilin shumë shpejt e përvetësuan dhe popujt tjerë si, indianët dhe japonezët.

Fortesat e reja, filluan të ndërtoheshin në formë të yllit, ndërsa kishin shumë bastione në formë trekëndëshi, të dizajnuara asisoj që të mbulonin njëri tjetrin – por dhe moçale e kanale të thella me ujë rreth tyre.

Muret mbrojtëse ishin më të ulta, por shumë më të gjera, ndërsa para tyre ishte vendosur dheu i pjerrtë që duhej t’i mbronte ato nga artileria armike.

Bourtange 0004

Një fortesë e tillë sot mund të shihet në Holandë – e quajtur Fortesa Bourtange, që gjendet në fshatin me të njëjtin emër, në Groningen të Holandës.

Kjo fortesë është ndërtuar në vitin 1593, nën urdhërat e sundimtarit William I, në mënyrë që të kontrollonte rrugën e vetme mes Gjermanisë dhe qytetit të Groningenit – i cili në atë kohë sundohej nga spanjollët.

Gjatë luftës 80-vjeçare, spanjollët e kontrollonin Groningenin dhe rrugën që shpiente drejt Gjermanisë – ndërsa Williami, udhëheqës i Holandës, kishte vendosur të ndërpriste këtë komunikim. Mënyra më e mirë për të bërë një gjë të tillë, ishte ndërtimi i një fortese të pamposhtshme.

Bourtange 0009

Në zemër të kësaj fortese gjendej sheshi ku kryqëzoheshin rrugët që shpienin drejt bastioneve, që ishin llogore mbrojtëse.

Mu në vitin kur kishte përfunduar ndërtimi i fortesës, forcat spanjolle kishin kryer një sulm të fuqishëm ndaj saj, por që kishte rezultuar i pasuksesshëm.

Në vitin 1672ndërkaq, këtë fortesë e sulmuan gjermanët, pasi me sukses kishin pushtuar 28 qytete holandeze.

Ata kishin kërkuar që fortesa të dorëzohej pa luftë, dhe për këtë gjë – guvernatorit të saj, kapiten Prottsit, i kishin ofruar 20.000 guldenë (monedha të arit).

Bourtange 0007

Megjithatë, kur – sipas legjendës – kapiteni kishte refuzuar kërkesën dhe ofertën e tyre dhe u kishte thënë se ka plumba për çdo armik, gjermanët e kishin sulmuar fuqishëm fortesën – por ajo sërish u tregua e pamposhtshme.

Në vitin 1851, Fortesa Bourtange ishte shndërruar në fshat, ndërsa 100 vjet më vonë – pushteti kishte vendosur që t’ia kthente asaj dukjen fillestare, dhe kështu, mes viteve 1740-1750, ajo sërish ishte shndërruar në fortifikatë dhe qe shpallur muze historik. /NGJYRA.COM/

Bourtange 0008 Bourtange 0002 Bourtange 0005 Bourtange 0006

Artikuj që mund t\'iu interesojnë

Leave a Reply

Your email address will not be published. Required fields are marked *