A e keni ditur se në Indi nuk ekziston vetëm një Taxh Mahal? Me të vërtetë, ekziston një objekt tjetër pothuajse identik me Taxh Mahalin legjendar, që gjendet në qytetin Agra, në shtetin Utar Pradesh të Indisë. Ky objekt është mauzoleu Bibi Ka Maqbara (Varri i Zonjës), të cilin e kishte ndërtuar princi Azam Shah në Aurangabad, në vitet 1651-1661, si kujtim për nënën e tij Dilras Banu Begum.
Ndërtuesi i Bibi Ka Maqbara, princi Azam Shah, ishte nipi i Shah Jahanit, ndërtuesit të Taxh Mahalit të famshëm në Agra, ndërsa synimi i tij ishte të ndërtonte një mauzole të barazvlefshëm me një prej objekteve më të famshme në Indi dhe me gjerë.
Megjithatë, ai nuk ishte i pasur sikur gjyshi i tij, dhe as i rrethuar nga arkitektët dhe artistët e talentuar – fakt ky që ka ndikuar në ndërtimin e një kopjeje të zbehtë të kryeveprës së gjyshit.
Bibi Ka Maqbara kurrë nuk e ka gëzuar popullaritetin e Taxh Mahalit, ngase konsiderohet si kopje e zbehtë e saj. Përderisa mauzoleu në Agra është i ndërtuar i tëri nga mermeri i bardhë, mauzoleu në Aurangabadështë vetëm pjesërisht i mbuluar me mermer.
Sipas shënimeve të kohës, për ndërtimin e Bibi Ka Maqbaras janë shpenzuar rreth 700.000 rupi – ndërkaq për Taxh Mahalin janë shpenzuar rreth 32 milionë rupi. Ky është ndoshta një fakt tjetër pse Bibi Ka Maqbara shpesh quhet dhe “Taxhi i fukarave”.
Megjithatë, përkundër faktit se nuk ka arritur të mposhte bukurinë e Taxh Mahallit, mauzoleu Bibi Ka Maqbara me dizajnin kompleks, skalitjet, strukturat impozonate, dhe kopshtin e bukur, gjithsesi hyn në kategorinë e mrekullive arkitektonike. /NGJYRA.COM/
