Ecën 500 km këmbë për të regjistruar bukuritë e “pakapshme” të Tajlandës

Sa larg do të mund të udhëtonit këmbë, të ngarkuar me një pako prej 18 kg, nëpër një terren të papërshtatshëm? Nëse nuk jeni në gjendje të përgjigjeni në këtë pyetje – atëherë, lexojeni tregimin për një tajlandez që ka bërë një udhëtim të tillë, vetëm e vetëm për të regjistruar gjithë bukuritë e vendit të tij.

Atleti tajlandez, Panupong Luangsa-ard, ka ecur plot 500 kilometra përgjatë dy viteve për të xhiruar ato pjesë të vendit të tij, të cilat kanë qenë të pakapshme për makinat e Google Street View. Përgjatë gjithë këtij udhëtimi, ai ka bartur kamerën 360 shkallëshe në shpinën e tij.

Tash, falë sakrificës së Luangsa-ardit, Google ka arritur t’i vendosë në hartë edhe 150 vende të reja me interes, disa prej të cilave do të mund t’i shihni në materialin që e shoqëron këtë shkrim, e që prezanton malësinë e Tajlandës.

tajla view 0003

Gjatë ecjes së tij nëpër plantacionet e çajit apo dhe fushat me dredhëza, Luangsa-ard ka grisur katër palë këpucë.

Programi i kompanisë Google, “Trekker loan”, ofron mundësinë që njerëzit nëpërmjet kamerave speciale të xhirojnë ato pjesë të botës, ku nuk mund të ngjiten makinat që realizojnë projektin e famshëm botëror, “Google Street View”.

Luangsa-ard ka arritur të mbulojë një sipërfaqe prej 500,000km – duke shfrytëzuar mjete të ndryshme të transportit gjatë udhëtimit të tij dyvjecar – ndërsa këmbë i ka ecur plot 500 km. /NGJYRA.COM/

tajla view 0002 tajla view 0004 tajla view 0005 tajla view 0006 tajla view 0007 tajla view 0008 tajla view 0009 tajla view 0010

Artikuj që mund t\'iu interesojnë

Leave a Reply

Your email address will not be published. Required fields are marked *