Shpella Avshalom, e njohur edhe si Shpella e stalaktiteve apo Shpella Soreq, gjendet në shpatijet perëndimore të malit të Judesë afër Bet Shemeshit, në Izrael.
Në këtë shpellë, e cila mbulon një sipërfaqe prej 5000 metra katrorë, gjendet një nga koleksionet më mbresëlënëse të stalaktiteve dhe stalagmiteve. Disa nga stalaktitet e varura në kube janë të gjata deri në katër metra, ndërsa në disa raste ato preken me stalagmitet që ngrihen nga dyshemeja.
Format e këtyre stalaktiteve dhe stalagmiteve krijojnë një atmosferë tejet mbresëlënëse, sikur të ishin në ndonjë planet krejtësisht të huaj.
Shpella Avshalom është zbuluar rastësisht në maj të vitit 1968, kur nga një shpërthim ishin hapur disa çarje përmes së cilave është arritur në këtë shpellë magjike dhe fantastike të fshehur nën male.
Sipas gjeologëve, kjo shpellë është formuar para rreth 25 milion vjetëve, kur zona malore e maleve të Judesë mbi sipërfaqe të ujit ishte rritur.
Kjo shpellë është emëruar sipas ushtarit izraelit, Avshalom Shohami, i cili ishte vrarë në Luftën e shterrimit. Pas zbulimit, vendndodhja e saj ishte mbajtur sekret për disa vite për shkak të frikës se kjo pasuri natyrore mund të dëmtohej.
Shpella Avshalom është e hapur për vizitorë gjatë gjithë vitit. /NGJYRA.COM/
