Në Çeki më datë 5 mars do të zhvillohet një meç i veçantë boksi. Përballë do të jenë dy boksiere, ku njëra prej kampioneve të boksit që do të ndeshet për titullin është shqiptare. Quhet Fabiana Bytyqi dhe do të ndeshet me bullgaren Teodora Bacheva për titullin evropian të WBO. Vajza shqiptare më “grushtin e engjëllit” siç është pseudonimi i saj është gati. Për ndeshjen e marsit ajo premton se do të jenë shumë shqiptarë që do ta ndjekin nga afër, raporton Shekulli.
