Nëse keni menduar se personat e famshëm, që i shohim shpesh në TV, janë të përkryer dhe nuk kanë bërë shkelje ligji, gaboheni rëndë. Kjo për faktin se ekziston një listë e gjatë e tyre që kanë kryer krime të rënda, madje edhe vrasje të njerëzve.
Shumë prej tyre janë përfshirë në aksidente automobilistike që kanë rezultuar me vdekje, ndërsa ka edhe të tjerë që kanë kryer vrasje me gjakftohtësi.
Ka edhe të atillë që për vrasjet e tyre konsiderohen heronj – pasi kanë shërbyer në ushtri.
Disa prej këtyre të famshmëve, që do t’i shihni në vijim, madje edhe kanë vuajtur dënimet për veprat e tyre, e ka të tjerë që kanë kaluar pa “ndonjë therë në këmbë”.
Të shohim se për këtë bëhet fjalë:
Laura Bush, bashkëshortja e ish-presidentit amerikan, George Bush, derisa ka qenë në kolegj, ka shtypur me makinë për vdekje një mikun e saj.
Senatori Ted Kennedy, në vitin 1969, kishte humbur kontrollin ndaj makinës dhe kishte rënë në ujë nga një urë në Chappaquiddick. Megjithëse ai kishte shpëtuar, të njëjtin fat nuk e kishte pasagjeri i tij, Mary Jo Kopechne. Ai ishte shpallur fajtor për këtë rast.
Promotori i boksit, amerikani Don King, ka vrarë dy persona në dy incidente të ndara. Të parin e kishte vrarë në vetëmbrojtje, ndërsa për rastin e dytë, ai u shpall fajtor për vrasje të shkallës së dytë, për therjen me thikë të një punëtori që i kishte borxh 600 dollarë.
Më 1987, aktori Matthew Broderick dhe e dashura e tij e atëhershme, Jennifer Grey, ishin me pushime në Irlandë. Broderick gabimisht kishte vozitur në një rrugë njëkahore në drejtim të një makine që po i vinte në drejtim të tijin. Shoferi dhe pasagjeri në makinën tjetër vdiqën.
Aktori legjendar, James Stewart, ka qenë pilot në Ushtrinë Amerikane gjatë Luftës së II-të Botërore. Gjatë kësaj kohe, Stewart mori pjesë në disa fushata bombarduese që rezultuan me vdekjen e ushtarëve armiq por edhe të civilëve. Ai ishte nderuar për shërbimin e tij disa herë.
Reperi Snoop Dogg dhe truproja e tij janë akuzuar për vrasjen e një rivali. Snoop Dogg u mbrojt nga Johnny Cochran dhe u shpall i pafajshëm pas disa betejave gjyqësore.
Fituesi i katërfishtë i medaljes të artë në vrapim në Paraolimpiadë, Oscar Pistorius, që ka dy këmbët e amputuara, para pak kohësh është shpallur fajtor për vrasjen e të dashurës së tij më 2013, Reeva Steenkamp.
Lojtari i NBA, Jayson Williams, aksidentalisht kishte qëlluar për vdekje shoferin e tij derisa po luanin me një armë. Williams pranoi fajësinë. /NGJYRA.COM/
