Ndoshta kurrë nuk keni dëgjuar për to, mirëpo alpakat (Vicugna pacos) janë ndër kafshët më të dashura në Amerikën Jugore – sidomos për shkak të leshit të tyre. Pra, në një pjesë të botës, ato kanë vlerën që delet kanë në pjesën tjetër të saj.
Alpakat janë kafshët e zbutura që i takojnë familijes së deveve dhe më së shumti ngjajnë me lamat, por janë më të vogla, ndërsa gjenden në numër të madh në vargmalet e Andeve në Amerikën Jugore.
Sipas klasifikimit nga Peruja, leshi i tyre vjen në 52 ngjyra të ndryshme natyrore, 12 sipas klasifikimit në Australi, dhe 16 në SHBA.
Ka gjasa që këto shtazë nuk do t’i shihni asnjëherë në natyrë, respektivisht në vendin ku jetoni, megjithatë fotografitë e alpakëve do t’ju bëjnë të qeshni sa herë t’i shihni ato – së paku, për shkak të stilit të “flokëve” të tyre, që kujton atë që njerëzit kishin bartur në vitet e 80-ta. /NGJYRA.COM/
