Në vijim po ua prezantojmë një shtëpi moderne, të projektuar nga studioja arkitektonike Malboeuf Bowie Architecture, që i përket stilit minimalist. Shtëpia është ideuar në atë mënyrë që pronarëve t’u mundësojë mirëmbajtjen sa më të lehtë të saj.
Dizajni i thjeshtë e i butë përputhet në mënyrë të përkryer me interierin e shtëpisë, ndërsa vlerë shtesë asaj i japin ngjyrat e zgjedhura me shije – ku dominojnë ajo gri dhe e bardha, me një nuancë të butë të së kuqes.
Kjo shtëpi gjendet në një lagje të qetë të Seattlet, SHBA, ndërsa projektuesit e saj potencojnë se dritaret janë ato që i kanë dhënë vizurën e nevojshme, bashkë me lidhjen e mirë mes interierit dhe eksterierit.
Shtëpia ka dy etazhe, disa shtesa të ambientit të gjelbër, si dhe ventilim natyror.
Shkallët metalike në kombinim me dru, që lidhin dy etazhet e shtëpisë, i japin asaj një ndikim të lehtë të rregullimit skandinav të hapësirës së banimit. /NGJYRA.COM/
