Vine House është një shtëpi moderne e projektuar me kujdes nga studioja “Hut Architecture”, që t’i përshtatet për mrekulli zonës bregore në Dartmouth, në Devon të Anglisë.
Shtëpia është ndërtuar nga materialet tradicionale të zonës, por duke shfrytëzuar teknikën moderne të ndërtimit.Kështu, në fund kemi një rezultat interesant të gërshëtimit të tradicionalës me modernën – por, shtëpia, si tërësi, i takon botës moderne.
Projektuesit kanë shfrytëzuar një murë ekzistues prej guri, për ta inkorporuar me dizajnin final të shtëpisë – që dominohet nga guri, hekuri dhe qelqi.
Shtëpia, pos që pasqyron një traditë të gërshëtuar me modernën, është dhe ekologjike. Ajo është ndërtuar asisoj që të mbajë konstante temperaturën e brendshme, ka sistem të veçantë të ventilimit, ndërsa shfrytëzon dhe panelet solare. /NGJYRA.COM/ Foto: Matt Chisnall
