Ju kujtohet ajo thënia “e lavdishme” e politikanëve kosovarë (në kohën e zgjedhjeve) se, “fëmijët janë e ardhmja e këtij vendi”. Epo, gjykuar nga kushtet që u ofrohen të vegjëlve në çerdhe, spitale, shkolla…, madje dhe parqet e lodrave… e ardhmja e këtij vendi duket goxha e zymtë.
Fatkeqësisht, me sëmundjen “asfalt-prioritetit” nga e cila lëngon qeveria qendrore (dhe të gjitha qeveritë e deritashme të Kosovës) është prekur edhe Komuna e Prishtinës.
Nëse kërkoni dëshmi për këtë gjë, mjafton të shikoni gjendjen e parqeve të lodrave në lagjen Bregu i Diellit, në Prishtinë – ku lodrat janë në gjendje të mjerueshme, ndërsa gjatë lojës, qindra e mijëra fëmijë që i frekuentojnë këto parqe, rrezikojnë të lëndohen seriozisht.
Këto parqe – të cilat në një mënyrë po e amortizojnë sadopak mungesën e fushave sportive të shkollave në kryeqytet – janë në këtë gjendje që një kohë të gjatë…, e megjithatë, asfaltimi i rrugëve në komunën e Prishtinës po vazhdon.
Se në çfarë gjendje janë këto parqe – ku mungojnë edhe shportat e bërllokut – dhe çfarë rreziku u kanoset fëmijëve derisa luajnë aty, mund të shihni në fotogalerinë që po ua sjellim në vijim. /NGJYRA.COM/
Rrëshkitësja e rrezikshme…
Trafoja e hapur e rrymës, mu pranë kendit të lodrave…
Improvizimi i rrezikshëm për këmbët e fëmijëve
Vendi i kolovajzës…
Shtegu i rrezikshëm…
Gjendja e disa parqeve të lodrave në Breg të Diellit …
