Një makinë e llahtarshme dhe funksionale nga druri

Joe Harmon, një inxhinier industrial dhe mjeshtër druri, ka kaluar pesë vjet të jetës së tij duke e ndërtuar një makinë mahnitëse nga druri – me emër punues Splinter – e cila është plotësisht funksionale.

Harmon e kishte filluar projektin e tij tetë vjet më parë, si student i Universitetit Shtetëtor të Karolinës Veriore. Atij iu nevojitën pesë vjet për ta realizuar atë – pasi që kishte pauzuar pak kohë, pas përfundimit të fakultetit.

splinter makina 0013

Për këtë projekt, Harmon ishte inspiruar nga një aeroplan i Luftës II Botërore, i quajtur de Havilland Mosquito, atëbotë aeroplani më i shpejtë me pistona, pothuajse i tëri nga druri.

Projekti kishte për qëllim të tregonte mundësinë e përdorimit të gjerë të drurit – pasi që, sipas Harmonit, në raport me peshën vetjake, druri ka forcë më të madhe se çeliku apo alumini.

Rrotat e kësaj makine janë të ndërtuara nga tri lloje të drurit, ndërsa i gjithë konstruksioni i saj është i punuar nga lisi, arra dhe qershia.

splinter makina 0008

Motori i makinës ndërkaq, që është pothuajse pjesa e vetme metalike në këtë makinë, është storje në vete, ka 650 kuaj fuqi – ndërsa posedon marshin me gjashtë shpejtësi.

Makina e Harmonit nuk është vozitur shumë, sepse fillimisht, ai dëshiron ta prezantojë atë nëpër panairet e makinave në botë.

Harmon paralajmëron së shpejti një projekt tjetër interesant, por nuk dëshiron të zbulojë më shumë detaje – por gjithsesi do të jetë diçka ndryshe nga makina. /NGJYRA.COM/

splinter makina 0009 splinter makina 0010 splinter makina 0011 splinter makina 0012 splinter makina 0005 splinter makina 0004 splinter makina 0014 splinter makina 0007 splinter makina 0001 splinter makina 0002 splinter makina 0003

Artikuj që mund t\'iu interesojnë

Leave a Reply