Pa marrë parasysh rrezikun që sjellë thellësia e tij, shumë të rinj – qofshin vendës apo turistë – edhe më tutje preferojnë të hidhen në pusin pa fund, i njohur si Pusi i Jacobit, në Wimberley të Teksasit, në SHBA.
Tetë raste të vdekjes janë raportuar deri më tash derisa zhytësit janë përpjekur të hulumtojnë këtë thellësi mistike.
Kjo është padyshim një prej shpellave më të rrezikshme nënujore edhe për zhytësit më profesionistë. Megjithatë, përkundër të kaluarës së tij të frikshme, Pusi i Jacobit mbetet ende destinacion i popullarizuar për pushimet familjare, ndërsa njihet si burimi më jetëgjatë i ujit në Teksas.
Ky burim jetëgjatë furnizon me ujë përruan Cypress, ndërsa thellësia e tij është mbi 40 metra.
Autoritetet amerikane janë shumë strikte sa i përket rregullave për zhytësit që janë të interesuar të ekplorojnë këtë pus, por, ai është i hapur për të gjithë të tjerët që e shfrytëzojnë atë vetëm për not sipërfaqësor. /NGJYRA.COM/
