Fytyrat e mrrolura përplot me probleme janë pamjet më të shpeshta që i shohim në rrugë, zyre, por edhe kur e shikojmë veten në pasqyrë. Ekspertët pa reshtur këshillojnë që të buzëqeshim, sepse – sipas tyre – edhe një buzëqeshje e vogël mund të ndryshojë disponimin tonë.
Sipas shkencëtarëve, edhe një buzëqeshje e vetme, qoftë ajo e shkurtër apo edhe false, në trurin tonë dërgon impulse që na bëjnë më të qetë dhe më të lumtur gjatë gjithë ditës.
Megjithatë, njerëzit shpesh i shmangën kësaj këshille, raporton revista “Health & Fitness”.
Nëse vërtetë duam që të ndjehemi më mirë, por edhe të kemi shëndet më të mirë, shkencëtarët këshillojnë që duhet bërë përpjekje për të “detyruar” fytyrën tonë të buzëqeshë.
Hulumtimet e fundit të shkencëtarëve në SHBA kanë konstatuar se buzëqeshja zvogëlon stresin dhe ngadalëson të rrahurat e zemrës – andaj, shihet si pjesë e domosdoshme për një jetë të lumtur. /NGJYRA.COM/
